garşy

1) Biriniň ýa-da bir zadyň göni öň tarapy, maňlaý tarapy.

∙ Garşym alyp duran dilber, Näzlim bir suw ber içeli. («Görogly» eposy)

∙ Ýaşulular duralganyň garşysyndaky düzlükde aýak üstünde miting geçirdiler. (B. Kerbabaýew, Aýgytly ädim)

∙ Hojaýyn onuň garşysynda poluň üstünde oturdy, bir salym onuň ýüzüne sesini çykarman seretdi. (A. P. Çehow, Saýlanan eserler)

2) Ýöredilýän pikiriň, düşünjäniň, işiň we ş. m. tersine.

∙ Özleriniň ötgür sözlerini duşmanyň garşysyna gönükdirdiler. («Sowet edebiýaty» žurnaly)

3) Her gezek, gaýta-gaýta, birsyhly.

∙ Sen garşy meniň ýanyma beýdip gelip durma-da, özüň hem bir alajyny görjek bol.

◊ garşy gitmek — Biriniň pikiri, hereketi bilen razylaşman, onuň pikirine garşy bolmak, garşy durmak, garşy çykmak, ters hereket etmek.

∙ Bize garşy çykýanyň seňrigine kakarys. (Nury Annagylyç, Saýlanan eserler)